რუსეთის ჯარებმა უკრაინაზე მორიგი შეტევა მიიტანეს 300-ზე მეტი უპილოტო საფრენი აპარატითა და რაკეტით. ამის შესახებ 28 ივლისს, დილით იუწყება უკრაინის საჰაერო ძალების სარდლობა.
მისი ინფორმაციით, მოწინააღმდეგემ გამოიყენა 324 დრონი, 4 ფრთოსანი რაკეტა და 3 აერობალისტიკური რაკეტა „კინჟალი”.
უკრაინის საჰაერო ძალების სარდლობის თანახმად, დარტყმის ძირითადი მიმართულება იყო ხმელნიცკის ოლქის ქალაქი სტაროკონსტანტინოვი.
ამ რაიონში მდებარეობს სამხედრო აეროდრომი, რომელსაც რუსეთის ჯარები რეგულარულად უტევენ.
უკრაინის საჰაერო ძალების სარდლობის ინფორმაციით, ჩამოგდებული ან გაუვნებელია 309 დრონი და 2 ფრთოსანი რაკეტა, ხოლო აერობალისტიკურმა რაკეტებმა კი სამიზნეებამდე ვერ მიაღწიეს.
სარდლობა ადასტურებს 2 რაკეტით და 15 დრონით პირდაპირ დარტყმას სამ ადგილზე, თუმცა კონკრეტულ ადგილებს არ ასახელებს.
ფორუმი