მზია ამაღლობელის სასამართლო - ლაივბლოგი (01/08/2025)

13:50 - „მე დღეს მინდა გესაუბროთ მზიაზე... მე აღმოვაჩინე ჩემი უცნაური როლი - ამ წუთას მე ვდგავარ როგორც მისი უფლებადამცველი, არადა უნდა ვიყო მხოლოდ ადვოკატი... ვინაიდან სისტემა აღმოჩნდა მისი მჩაგვრელი, აქ ვდგავარ, როგორც მისი ადვოკატი და მისი უფლებადამცველი... და რატომ გადავწყვიტე მზიაზე საუბარი“... - ამ სიტყვებით დაიწყო მაია მწარიაშვილმა თხრობა.

მზია ამაღლობელი კვლავ ფეხზე დგას - ის არც ამჯერად ჯდება ბრალდებულის სკამზე.

13:49 - ტრიბუნასთან მიდის მზია ამაღლობელის ადვოკატი მაია მწარიაშვილი. მას ვრცელი სიტყვა აქვს მომზადებული.

13:48 - ადვოკატებმა მოსამართლეს წინა სხდომიდან გაძევებული ზვიად ქორიძის სხდომათა დარბაზში შემოშვების უფლება სთხოვეს. მოსამართლემ ეს შუამდგომლობა დააკმაყოფილა.