19:04 - მაია მწარიაშვილი ამბობს, რომ სისხლის სამართლის კოდექსი ძალადობას რამდენიმე კატეგორიად ჰყოფს: ძალადობა, ცემა და თავდასხმა. მათ შორის თავდასხმა ყველაზე მძაფრი ფორმაა და სწორედ ამის გამოა გამოყოფილი ის პოლიციელზე თავდასხმის შემთხვევაში ცალკე:
„[დამატებით] კოდექსი თავდასხმას მოიხსენიებს რამდენიმე კონტექსტში - ყაჩაღობას და სხვა მძმე დანაშაულთან. თავდასხმა არ უნდა გამოყენებოდეს პოლიციელის შემთხვევაში სხვანაირად და პოლიტიკოსის შემთხვევაში სხვანაირად... კანონში მაშინ უნდა ეწეროს, რომ პოლიციელის შემთხვევაში ნებისმიერი ძალადობა ფასდება თავდასხმად“...
18:08 სხდომაზე 15-წუთიანი შესვენება გამოცხადდა. ისმის შეძახილები: “თავისუფლება მზიას”, “თავისუფლება მოსამართლეს”, “ცეცხლი ოლიგარქიას”
18:04 დამსწრეებს დაღლა ეტყობათ. ხან წინა სკამის საზურგეს ეყრდნობიან, ხან თავს ხელს აყდნობენ. მაია მწარიაშვილი განაგრძობს ბრალდების გაქარწყლებას, მზია ამაღლობელი კი მას კვავ ფეხზე მდგომი უსმენს.
16:32 მაია მწარიაშილი ამბობს, რომ მოწმეებმა სასამართლო სხდომებზე იცრუეს.
ბერდია ფერაძემ (აჭარის საგამოძებო სამსახურის უფროსი) როგორც გამოძების, ისე სასამართლო სხდომაზე თქვა, რომ მზია ამაღლობელის დაკავების დღეს ირაკლი დგებუაძე აქციის მონაწილეებთან გავიდა დემონსტრანტების დასამშვიდებლად. „არცერთი მტკიცებულებით არ დასტურდება, რომ ბატონი დგებუაძე ძმები გაბაიძეების დაკავების შესახებ განმარტების გასაკეთებლად გავიდა... მან სასამართლო სხდომაზე სამჯერ მაინც თქვა, რომ „მე და ბჟალავამ დავაკავეთ ამაღლობელი... გვაქვს ვიდეოკადრი, რომელშიც ჩანს, რომ მოწმე ბჟალავა არცკი შესულა ჭიშკარში“
„მოწმე ბჟალავამ იცრუა, როდესაც სასამართლოში განაცხადა, რომ მიუხედავად იმისა, რომ ამაღლობელი პოლიციელებს მიმართავდა უწმაწური სიტყვებით, ვერ მოხერხდა ამაღლობელის დაკავება...“
ფორუმი