„ბათმელებისა და ნეგაზეთის ჟურნალისტებს მიღებული აქვთ არაერთი ჯილდო. რა თქმა უნდა, ამ პრიზის მიღებაში მზიას დიდი როლი აქვს“, - თქვა მაია მწარიაშვილმა და დაიწყო პრიზების ჩამოთვლა.
14:00 - მაია მწარიაშილმა დაიწყო იმ (არაჟურნალისტური) პროექტების ჩამოთვლა, რომელსაც მზია ამაღლობელი ახორციელებდა და საზოგადოების ჯგუფების გაძლიერებას ისახავდა მიზანს.
14:10 - „მზიას ოთახი „ბათუმელების“ ოფისში მეოთხე სართულზეა. როგორც მისი კოლეგები მეუბნებიან, მის ოთახში დენი არასდროს ქრებოდა. ის სულ დაუღალავად მუშაობდა ქვეყნის მომავლისთვის“... - თქვა მწარიაშვილმა და მოსამართლესა და პროკურორებს მზია ამაღლობელის განხორციელებული პროექტების ჩამონათვალი გადასცა.
14:12 - მაია მწარიაშვილი იწყებს მზია ამაღლობელის შესახებ „ქართული ოცნების“ მთავრობის პრემიერ-მინისტრისა და ამავე პარტიის საპარლამენტო უმრავლესობის ლიდერის, მამუკა მდინარაძის განცხადებების კითხვას.
მას მონიშნული აქვს ყველა ის ციტატა, რომელშიც პოლიტიკოსები „მიზანმიმართულად“ საუბრობენ მზია ამაღლობელის დანაშაულზე.
ფორუმი