„ენერგიაში“, რომელიც რუსეთის სახელმწიფო კორპორაცია „როსკომოსის“ დაკვეთებს ასრულებს, რაკეტების, თანამგზავრების, კოსმოსური სადგურებისა და ხომალდების შემუშავება ხდება. მათ შორის კოსმოსური ხომალდების, „სოიუზი“ და „პროგრესი“.
როგორც გამოცემა The Bell-ი წერს, „ენერგიის“ თანამშრომლებმა სცადეს 2025 წლის პირველი ნახევრის კორპორაციულ ანგარიშში დაეფარათ მონაცემები ხელმძღვანელების შესახებ, თუმცა ნაცვლად იმისა, რომ დოკუმენტიდან ეს ინფორმაცია ამოეღოთ, ის გადაფარეს თეთრი მართკუთხედით, რომლის მოშორება მარტივად შეიძლება PDF-ფაილების ნახვის ნებისმიერი პროგრამით.
The Bell-ის მიერ გამოყენებული მარტივი საშუალებით ცნობილი გახდა „ენერგიის“ დირექტორთა საბჭოს და მმართველობის შემადგენლობა, ფინანსური ხასიათის ინფორმაცია და კონტრაგენტების მონაცემები.
რუსეთის მთავრობამ 2023 წელს მიიღო დადგენილება, რომლითაც ზოგიერთ კომპანიას უფლება მისცა, „შესაძლო შემზღუდავი ზომებისგან", ანუ დასავლეთის სანქციებისგან თავის დასაცავად არ გაამჟღავნონ სხვადასხვა სახის ინფორმაცია.
ფორუმი