დღევანდელ სხდომაზე გამოჰკითხეს აჭარის პოლიციის ყოფილი უფროსი გრიგოლ ბესელია. სხდომა 13:00 საათზე დაიწყო, გამოკითხვა კი ხუთ საათს გაგრძელდა. დღევანდელ სხდომაზე უნდა გამოეკითხათ ბათუმის პოლიციის უფროსი ირაკლი დგებუაძეც, რომელსაც ამაღლობელმა სახეში სილა გააწნა. გამოკითხვა გადაიდო შემდეგი სხდომისთვის.
„სასამართლომ პირველი წარდგენის სხდომაზეც ნამდვილად ყურადღება გაამახვილა ახალი დანაშაულის ჩადენის საფრთხეზე. ასევე - მტკიცებულებათა განადგურების საფრთხეზე. სასამართლომ პირველ სხდომაზე არ გაიზიარა პოზიცია მიმალვის საფრთხესთან დაკავშირებით.
დღეის მდგომარეობით, ჩვენ სახეზე არ გვაქვს მტკიცებულებათა განადგურების საფრთხე, თუმცა მომეტებულად გვაქვს ახალი დანაშაულის ჩადენის საფრთხე. აღნიშნული განპირობებულია თავად დანაშაულის ხასიათიდან, სიმძიმიდან, სპეციფიკიდან გამომდინარე... სასამართლო მსჯელობს მინიმალური დასაბუთებულობის ვარაუდის სტანდარტით“, - თქვა მოსამართლემ.
ასევე ნახეთ "ისეთი ხმა იყო დარტყმის შემდეგ, დაიშალა საერთოდ აქცია" - მზია ამაღლობელის საქმეზე გრიგოლ ბესელია გამოჰკითხეს„ნეტგაზეთისა“ და „ბათუმელების“ დამფუძნებელი და დირექტორი თითქმის ოთხი თვეა პატიმრობაშია. ამაღლობელი 11 იანვარს ჯერ ადმინისტრაციული წესით დააკავეს, შემდეგ კი გამოუშვეს და რამდენიმე საათში, - უკვე 12 იანვარს, - ხელახლა დააკავეს, ამჯერად სისხლის სამართლის წესით, პოლიციელისთვის სილის გაწვნის გამო, რაც იურისტების შეფასებით, საქმის გარემოებებთან შეუთავსებელია და მხოლოდ პოლიტიკურ მოტივზე მიანიშნებს.
პატიმრობაში მყოფი ჟურნალისტი დაკავებიდან 38 დღის განმავლობაში შიმშილობდა. შიმშილობის 24-ე დღეს იგი კლინიკაში გადაიყვანეს და ციხეში მხოლოდ შიმშილობის შეწყვეტის შემდეგ დააბრუნეს.