ნოემბერ-დეკემბრის საპროტესტო აქციებისას დაკავებული 11 დემონსტრანტის საქმეზე მხოლოდ განაჩენის გამოცხადებაა დარჩენილი. ამ სტატიაში კიდევ ერთხელ ვიხსენებთ, რის საფუძველზე ედავება ახალგაზრდებს პროკურატურა ჯგუფურ ძალადობაში მონაწილეობას და რატომ უწოდებენ მათ უფლებადამცველები პოლიტიკურ პატიმრებს.
ამ სტატიაში ვიხსენებთ 2024 წლის ნოემბერ-დეკემბრის მასობრივი საპროტესტო აქციებისას ჯგუფური ძალადობის ორგანიზებითა და მასში მონაწილების ბრალდებით დაკავებული 8 დემონსტრანტის საქმეზე ადვოკატებისა და ბრალდებულების დასკვნით სიტყვებს
დღეს, 27 აგვისტოს დასკვნითი სიტყვები წარმოთქვეს „ორგანიზებული ჯგუფური ძალადობის“ ბრალდებით დაკავებულებმა. 8 დემონსტრანტის სასამართლო პროცესი, რაც ფართოდ მიიჩნევა პოლიტიკურად მოტივირებულად, დასასრულს უახლოვდება.
ცნობილია მოსამართლე თამარ მჭედლიშვილის განაჩენის წერილობითი დასაბუთება ნარკოდანაშაულში ბრალდებული დემონსტრანტის, თედო აბრამოვის საქმეზე.
ნარკოდანაშაულში ბრალდებულის, რუსეთის მოქალაქის, ანტონ ჩეჩინის ადვოკატის, გიორგი ჩხეიძის დასკვნითი სიტყვა 42 გვერდია. ის ორი საათის განმავლობაში უსაბუთებდა მოსამართლე ჯვებე ნაჭყებიას, რატომ მიაჩნია, რომ ანტონ ჩეჩინს ნარკოტიკი მისი პოლიტიკური პოზიციის გამო „ჩაუდეს".
გიორგი ახობაძის დარბაზიდან გათავისუფლება პირველი გამამართლებელი განაჩენია, როცა დაკავებულ დემონსტრანტებზე ვსაუბრობთ. როგორ დაასაბუთა მოსამართლე რომეო ტყეშელაშვილმა ეს გადაწყვეტილება, რომელსაც ჯერ დიდი გაკვირვება და შემდეგ აქტივისტების დიდი სიხარული მოჰყვა?
ციხიდან გამოგზავნილ ამ წერილებში პროევროპულ აქციებზე დაკავებულები აღწერენ გზას ციხიდან სასამართლომდე და ჰყვებიან, როგორია ის დღე, როცა სასამართლომდე საკანი დროებით, რამდენიმე საათით უნდა დატოვონ და მორიგ პროცესზე ოჯახს, მეგობრებსა და საყვარელ ადამიანებს შეხვდნენ.
ანასტასია ზინოვკინა, არტიომ გრიბული და ანტონ ჩეჩინი უკრაინაში რუსეთის შეჭრის შემდეგ საქართველოში გადავიდნენ და 2024 წლის ბოლოს, თბილისში პროევროპული აქციების ფონზე, ისინი ნარკოდანაშაულის ბრალდებით დააკავეს. უკრაინელები სერჰი კუხარჩუკი და რუსლან სივაკოვი ჯგუფურ ძალადობაში ბრალდებულნი არიან.
სასამართლო დარბაზიდან გათავისუფლებული ექიმის, გიორგი ახობაძის პირველი საათები სუფთა ჰაერზე და ოჯახთან ერთად. მას 20 წლამდე ან უვადო პატიმრობა ემუქრებოდა - რა „კონსპირაციების თეორიები“ ააგო საკუთარ თავში და რას ჰყვება „ემოციურ საქანელაზე“, რომელზეც განაჩენის გამოცხადებამდე „ეკიდა“, - ნახეთ ვიდეოში
თბილისის საქალაქო სასამართლოში დაკითხეს ნარკოდანაშაულის ბრალდებით დაკავებული რუსეთის მოქალაქე ანტონ ჩეჩინი. მას განსაკუთრებით დიდი რაოდენობით ნარკოტიკების შეძენასა და შენახვაში სდებენ ბრალს. ეს დანაშაული 20 წლამდე ან უვადო პატიმრობით ისჯება.
სასამართლო განხილვების მერვე თვეს, ბრალდების მხარემ ჯგუფური ძალადობის საქმეებზე მტკიცებულებების შესწავლა დაასრულა. პროკურორებმა გამოკითხეს მოწმეები, შეისწავლეს ვიდეოები. ბოლო სვლა მთავარი გამომძიებლის დაკითხვა იყო. ვის სასარგებლოს იმუშავა ამან? ეს დისკუსიის საგანია.
ჯგუფური ძალადობის საქმეში, რომელშიც 11 დემონსტრანტია ბრალდებული, ახალი მტკიცებულებაა - დამოუკიდებელი ექსპერტის დასკვნა, რომელიც, ადვოკატის თქმით, მინიმუმ ორი ადამიანის, ჯანო არჩაიასა და გური მირცხულავას უდანაშაულობას ამტკიცებს. რა წერია ამ დასკვნაში?
ექვსი საათის განმავლობაში უსმენდა სასამართლო ორგანიზებული ჯგუფური ძალადობის საქმეების მთავარი გამომძიებელ არსენ ხუნაშვილს. ამ ხნის განმავლობაში მან რამდენიმე მნიშვნელოვანი ფრაზა თქვა, თუმცა, ალბათ, ყველაზე მთავარი იყო წინადადება - „ორგანიზატორებთან ბრალდებულების პირდაპირი კავშირი არ დასტურდება“.
ორი კვირის თავზე, მას შემდეგ, რაც სასამართლოში მუშაობის წესი შეიცვალა და დარბაზებში, დერეფნებსა და ეზოშიც კი ჟურნალისტების კამერები გაქრა, პროკურორებმა ჩვენებების მისაცემად პირველად გამოიძახეს სპეცრაზმელები.
მოსამართლე ნინო გალუსტაშვილმა ორი დემონსტრანტის, დავით ლომიძისა და თემურ ზასოხაშვილის სასამართლო დახურა მას შემდეგ, რაც პროკურორმა შეატყობინა, რომ სოციალურ ქსელში გავრცელდა გდდ-ს თანამშრომლების სხდომაზე გადაღებული ფოტოები. რა ხდებოდა სხდომაზე, რა თქვეს სპეცრაზმელებმა - რეპორტაჟი სხდომიდან.
„ვითომ ოთხი წელი და 6 თვე?“ - დარბაზის დასანახად მიატრიალა ბლოკნოტში ჩანაწერი საბა ჯიქიამ 17 ივნისს, სასამართლო სხდომაზე, მათე დევიძის განაჩენის პასუხად. მასაც დევიძის მსგავსად პოლიციელზე თავდასხმას ედავებოდნენ. თამარ მჭედლიშვილმა საბა ჯიქიას მართლაც ზუსტად 4 წელი და 6 თვე მიუსაჯა.
„სასამართლო სხდომები დახურული იქნება… ცირკად აქციეთ ყველა სხდომა“, - უთხრა ჟურნალისტებს თბილისის მერმა კახა კალაძემ. „ცირკს“ ხშირად ეძახიან სასამართლოს სხდომებს დაკავებული დემონსტრანტების გულშემატკივრები, შედარებით იშვიათად, მოწმეებიც კი...
ჩამოტვირთე მეტი
