მშენებლობის ნებართვების გაცემის სიმარტივით საქართველო 190 ქვეყანას შორის მე-8 ადგილზეა. მსოფლიო ბანკ „Doing Business“-ის 2017 წლის ანგარიშში მოყვანილი ეს მაჩვენებელი, სპეციალისტების სიტყვებით, ნიშნავს იმას, რომ ბიუროკრატიული მექანიზმები სამშენებლო ნებართვის მისაღებად მარტივია, მაგრამ ის უნდა გავმიჯნოთ სამშენებლო პროექტის ნებართვის მიღებისგან, რომლის მარტივად გაცემის გამოა ქალაქის იერსახე სავალალო მდგომარეობაში. იმაზე, თუ ვინ ხეირობს მარტივად გაცემული სამშენებლო ნებართვებით, რადიო თავისუფლების „სადისკუსიო მაგიდასთან“ საუბრობენ ირაკლი ჟვანია - არქიტექტორი, ქალაქმგეგმარებელი და ირაკლი როსტომაშვილი -„მენაშენეთა ასოციაციის“ თავმჯდომარე. დისკუსიას ნინო ხარაძე უძღვება რადიო თავისუფლების თბილისის სტუდიაში.
