„გადაკვეთის წერტილის“ გადაცემათა ციკლში ერთი ეტაპი დავასრულეთ, კერძოდ, მოვათავეთ საუბარი 90-იან წლებში, საქართველოს ტერიტორიაზე შეიარაღებული კონფლიქტების დაწყებამდე, ვითარების ესკალაციის შესახებ, დღევანდელ გადაცემაში კი საუბარი იქნება აფხაზეთის ტერიტორიაზე ომის დაწყების პირველ დღეზე,1992 წლის 14 აგვიტოზე. ამ დღეს იხსენებენ გადაცემის სტუმრები, რომელთაგან ერთი ეთნიკურად აფხაზია, მეორე კი ქართველი. სტუმრებთან ერთად გავაანალიზებთ მომხდარს და დღევანდელობას.
პროგრამა „გადაკვეთის წერტილი“ მომზადებულია „ბერგჰოფის ფონდთან“ თანამშრომლობით. გერმანული არასამთავრობო ორგანიზაცია „ბერგჰოფის ფონდი“ კონფლიქტოლოგიისა და მშვიდობის მშენებლობის საკითხებზე მუშაობს. გადაცემის სტუმრები არიან გალინა პეტრიაშვილი, პრეზიდენტი ჟურნალისტთა ასოციაციისა „გენდერი მედია კავკასია“, და ნუგზარ კოხრეიძე, თანადამფუძნებელი და თავმჯდომარე სამეცნიერო ინტელექტუალური კლუბისა „თაობათა დიალოგი“. გადაცემას ნინო ხარაძე უძღვება რადიო თავისუფლების თბილისის სტუდიაში.
